ഈ വർഷത്തെ മലയാള സിനിമാ റിലീസുകളിൽ ബ്ലോക്ക്ബസ്റ്റർ വിജയം നേടിയ ഓഫീസർ ഓൺ ഡ്യൂട്ടി നൂറാം ദിനം പിന്നിടുകയാണ്. തിയേറ്ററുകളിൽ കളക്ഷനിൽ തരംഗം തീർത്ത് നിരൂപകരുടെയും പ്രേക്ഷകരുടെയും മുക്തകണ്ഠമായ പ്രശംസ പിടിച്ചു പറ്റിയ ഓഫീസർ ഓൺ ഡ്യൂട്ടി ഓ റ്റി റ്റി പ്ലാറ്റ്ഫോമിലും തരംഗമാകുകയാണ്. ഫെബ്രുവരി റിലീസ് ആയി തിയേറ്ററുകളിൽ എത്തിയ ഓഫീസർ ഓൺ ഡ്യൂട്ടി മാർച്ച് ഇരുപതിന്‌ നെറ്റ്ഫ്ലിക്സിൽ റിലീസ് ആയിരുന്നു. ഓ റ്റി റ്റി റിലീസ് ആയി രണ്ടു മാസം കഴിഞ്ഞിട്ടും നെറ്റ്ഫ്ലിക്സിൽ ഇന്ത്യയിലെ ആദ്യ മികച്ച പത്തു ചിത്രങ്ങളിൽ തുടർച്ചയായി ഡ്യൂട്ടി തുടർന്ന് തരംഗമാകുകയാണ് കുഞ്ചാക്കോ ബോബൻ ചിത്രം ഓഫീസർ ഓൺ ഡ്യൂട്ടി. മറ്റു ഭാഷകളിൽ വൻ വിജയം നേടിയ ചാവ, ഡ്രാഗൺ, ദേവ എന്നെ ചിത്രങ്ങളൊക്കെ ടോപ് പത്തിൽ നിന്ന് പുറത്തായപ്പോൾ ഓഫീസർ ഇപ്പോഴും ഡ്യൂട്ടി തുടരുകയാണ്.
നായാട്ട്, ഇരട്ട എന്നീ ഹിറ്റ് ചിത്രങ്ങളിലൂടെ പ്രേക്ഷകശ്രദ്ധ നേടിയ നടനാണ് ജിത്തു അഷ്റഫ്. ‘ഇരട്ട’ എന്ന ചിത്രത്തിന്റെ കോ-ഡയറക്ടർ കൂടിയായ ജിത്തു അഷ്റഫ് ഒരുക്കിയ ചിത്രത്തിലെ കേന്ദ്രകഥാപാത്രങ്ങളെ അവതരിപ്പിച്ചത് കുഞ്ചാക്കോ ബോബനും പ്രിയാമണിയുമാണ്. സൂപ്പർഹിറ്റ് ചിത്രം പ്രണയവിലാസത്തിനു ശേഷം മാർട്ടിൻ പ്രക്കാട്ട് ഫിലിംസ്, ഗ്രീൻ റൂം പ്രൊഡക്ഷൻസ് എന്നീ കമ്പനികളുടെ ബാനറിൽ മാർട്ടിൻ പ്രക്കാട്ട്, സിബി ചാവറ, രഞ്ജിത്ത് നായർ എന്നിവർ ചേർന്നായിരുന്നു ഓഫീസർ ഓൺ ഡ്യൂട്ടിയുടെ നിർമ്മാണം.
‘ജോസഫ്’, ‘നായാട്ട്’ എന്നീ സിനിമകളുടെ തിരക്കഥാകൃത്ത് ഷാഹി കബീറാണ് ഓഫീസർ ഓൺ ഡ്യൂട്ടിയുടെ രചന നിർവഹിച്ചത്. ജഗദീഷ്, വിശാഖ് നായർ, മനോജ് കെ.യു, റംസാൻ മുഹമ്മദ്, ഉണ്ണി ലാലു, ജയ കുറുപ്പ്, വൈശാഖ് ശങ്കർ, വിഷ്ണു ജി. വാരിയർ, ലേയ മാമ്മൻ, ഐശ്വര്യ തുടങ്ങിയവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. കണ്ണൂർ സ്ക്വാഡിന്റെ സംവിധായകൻ റോബി വർഗീസ് രാജാണ് ക്യാമറ. ജേക്ക്സ് ബിജോയ് സംഗീത സംവിധാനം. പ്രൊഡക്ഷൻ കൺട്രോളർ ഷബീർ മലവട്ടത്ത്, ഫിനാൻസ് കൺട്രോളർ: രാഹുൽ സി പിള്ള. ചീഫ് അസോ. ഡയറക്ടർ ജിനീഷ് ചന്ദ്രൻ, സക്കീർ ഹുസൈൻ, അസോസിയേറ്റ് ഡയറക്ടർ: റെനിറ്റ് രാജ്, അസിസ്റ്റന്റ് ഡയറക്ടർ ശ്രീജിത്ത്, യോഗേഷ് ജി, അൻവർ പടിയത്ത്, ജോനാ സെബിൻ, റിയ ജോഗി, സെക്കൻഡ് യൂണിറ്റ് ഡിഒപി അൻസാരി നാസർ, സ്പോട്ട് എഡിറ്റർ: ബിനു നെപ്പോളിയൻ, പ്രൊഡക്ഷൻ എക്സിക്യൂട്ടീവ്സ്: അനിൽ ജി. നമ്പ്യാർ, സുഹൈൽ, ആർട്ട് ഡയറക്ടർ: രാജേഷ് മേനോൻ, മേക്കപ്പ്: റോണെക്സ് സേവ്യർ, പി ആർ ഓ : പ്രതീഷ് ശേഖർ.
