കനേഡിയൻ നടിയും മോഡലും ഗായികയുമായ നിക്കേഷ രംഗ്വാല പ്രധാന കഥാപാത്രത്തെ അവതരിപ്പിക്കുന്ന “ഫോർ സ്റ്റോറി” (4 Story)എന്ന ചിത്രത്തിന്റെ മൂന്നാം ഷെഡ്യൂൾ ചിത്രീകരണം മുന്നാറിൽ ആരംഭിച്ചു. ഹിന്ദി,ഗുജറാത്തി, തെലുങ്ക്,തമിഴ്, പഞ്ചാബി ഭാഷകളിലെ സിനിമകളിലും ടെലിവിഷൻ പരിപാടികളിലും മ്യൂസിക് വീഡിയോകളിലും ശ്രദ്ധേയ സാന്നിധ്യമായ നിക്കേഷയുടെ ആദ്യ മലയാള ചിത്രമാണ് “ഫോർ സ്റ്റോറി”.
ദിവ്യ തോമസ്,മീനാൽ ഗുപ്ത,ഐസക് പോൾ,കോമൽ സിന്ഹ,ഷമീർ കെ, ദാവീദ് ജേക്കബ്, കിരൺ മാർട്ടിൻ തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്.
ഇതിൻസ് ബാനറിൽ ഷാൻ കേച്ചേരി സംവിധാനം ചെയ്യുന്ന മൂന്നാമത്തെ ചിത്രമാണ് ” ഫോർ സ്റ്റോറി” (4 Story). സ്ത്രീകേന്ദ്രീകൃതമായ ഒരു മിസ്റ്ററി ത്രില്ലർ ചിത്രമായ “ഫോർ സ്റ്റോറി”യുടെ തിരക്കഥ സംഭാഷണം നിധിൻ ദാസ് എഴുതുന്നു. ഛായാഗ്രഹണം- കോളിൻസ് ജോസ്, എഡിറ്റർ-വിഗ്നേഷ് സംഗീതം-ജെസിൻ ജോർജ്,നിഖിൽ മോഹൻ,ഗാനരചന- നെവിൽ,ഷഹീറ നസിർ,അസോസിയേറ്റ് ഡയറക്ടർ-ദിനിൽ ബാബു, ആർട്ട്-ഗ്ലാട്ടൺ പീറ്റർ,മേക്കപ്പ്-സജിമോൻ കളമശ്ശേരി, കോസ്റ്റ്യൂം-ഷാജി ചാലക്കുടി,സ്റ്റിൽസ്-ശ്യാം ജിത്തു,
ഡിസൈനർ-സൂരജ് സുരൻ,പി ആർ ഒ-എ എസ് ദിനേശ്.
